Sérstök skóla-og tómstundakort þarf fyrir hópferðir skólabarna og tómstundastarfs á höfuðborgarsvæðinu.
Skólakort
Leik- og grunnskólum á höfuðborgarsvæðinu býðst að fá sérstök skólakort sér að kostnaðarlausu. Kortin eru notuð til þess að starfsmenn skóla geti farið með hóp barna og ungmenna í strætóferðir á skólatíma.
Skólakort 0 krónur
Tómstundakort
Yfir sumartímann geta umsjónaraðilar íþrótta- og tómstundastarfs keypt tómstundakort fyrir 36500 krónur Kortin eru notuð til þess að starfsfólk íþrótta- og tómstundastarfs á sumrin geti farið með hóp barna og ungmenna í strætóferðir. Gildistími tómstundakorta er frá byrjun júní og út ágúst.
Tómstundakort 36500 krónur
Eftirfarandi skilmálar gilda um kortin
- Kortin gilda einungis í Strætó á höfuðborgarsvæðinu.
- Leyfilegur notkunartími kortanna er virka daga kl. 9:00 – 15:30.
- Hvert kort gildir fyrir 1- 4 starfsmenn með hverjum hóp.
- Einstaklingar mega ekki nota kortið. Hverjum starfsmanni skulu fylgja að lágmarki 3 börn eða ungmenni.
- Ef fjöldi barna eða ungmenna fer yfir 28 verður að tvískipta hópnum.
- Misnotkun varðar sviptingu kortsins.
Umsóknir og fyrirspurnir um skóla- og tómstundakort skulu sendast á kort@straeto.is