Aðgengi fyrir hjólastóla
Höfuðborgarsvæðið:
Aðgengi er fyrir hjólastóla í öllum vögnum á höfuðborgarsvæðinu.
- Vagnstjórum ber að aðstoða með að setja niður rampinn. Viðkomandi þarf hins vegar að vera sjálfbær með að komast inn og út úr vagninum og að festa sig í öryggisbeltið.
- Tryggja þarf að bak hjólastólsins snúi ávallt í akstursátt.
- Það kemst aðeins einn hjólastóll með í hvern vagn.
- Hjólastólar hafa forgang fram yfir reiðhjól í vagninum.
Landsbyggðin:
Ekki er aðgengi fyrir hjólastóla í landsbyggðarvögnum eins og er.
Blindir og sjónskertir
Blindir og sjónskertir ferðast ókeypis með Strætó innan höfuðborgarsvæðisins og á landsbyggðinni.
Höfuðborgarsvæðið:
Hvíti stafurinn, leiðsöguhundur eða félagsskírteini Blindrafélagsins staðfesta rétt viðkomandi á ókeypis fargjaldi.
NaviLens kóðar eru staðsettir á öllum biðstöðum á leiðum 13 og 14. Með þeim geta blindir og sjónskertir fengið upplýsingar um leiðir og komutíma Strætó án aðstoðar. Á næstu misserum verða kóðarnir settir upp á fleiri leiðum.
Landsbyggðin:
Framvísa verður félagsskírteini Blindrafélagsins til staðfestingar á ókeypis fargjaldi.
Ferðist viðkomandi með viðurkenndum leiðsöguhundi verður einnig að framvísa leyfiskorti hundsins.
Leiðsöguhundarnar mega vera hvar sem er í farþegarými vagnanna.